在這一天裡......

Sunday, October 07, 2007

張錢錢去街街



好友替錢錢拍了一輯 "沙龍"
還讓它登在雜誌上,
我開心到不得了,
因為錢錢真係好上鏡.
好友還在她的私家blog內大讚錢錢係資優狗,
又聰明又靓, 我聽了, 仲開心過人地讚我呀!
以下是友人, bear bear的文章:
今天,跟小寶寶敘舊。她瘦咗又黑咗,但皮膚一樣好像剝殼雞蛋咁滑。小寶寶說我瘦了,梗係,七磅喎!唔少嘢!我說因為瘦了,趕快拍了輯美女圖,並拿了其中一張給她看,小寶寶反應不俗這次,她帶著寶貝狗狗BB(又名張錢錢),與我一同共敘午餐;兩個女人仔一見面就唔停得口,我不放過問佢拿濱崎步簽名,及免費戲飛的機會。另外,又點會放過「出賣」朋友的機會,今次梗係順手同阿B做埋訪問啦!
十一歲的阿B,駐顏有方,大家都讚她似二歲,我說,這就是物似主人形啦!BB不但可愛,而且極聰明。她何止懂得聽人話,當聽到啱聽的話,仲要「側側頭」有所反應。表情可愛到極。小寶寶把幾句「magic words」告訴我,當為阿B拍照時,不用好像替其它的狗狗拍攝那樣,要打鑼打鼓咁辛苦,一句「去街街」、「扮靚靚」、「阿寶」……總之一聽到愛聽的話,及主人的名字,BB即時有反應。不過,因為我過度興奮,叫個不停,BB在應酬了我幾粒鐘之後,已無乜反應。但我不會放棄,下次一定再玩過。

1 Comments:

Blogger Tong said...

bear bear 見到錢錢很興奮。在動物的世界裡﹐錢錢看見bear bear 那麼 high﹐可能都會覺得很有趣。不過﹐經歷數小時不斷的「去街街」﹐「阿寶」﹐「扮靚」等等的聲音還是「沒料到」﹐牠開始覺得「厭悶」﹐變得沒反應。

其實大家都在玩﹐不過﹐理應比較有本錢有耐性去玩的動物﹐居然輸給理應比較沒時間的人類。

3:49 PM  

Post a Comment

<< Home